نظرة المجتمع لوظيفة المرأة‏

نظرية الوظيفة من عام 1972 إلى 2020

الإيميل طويل بس فلة

الأب: ما عندي بنات يشتغلون..الشغل للرجال .. و البنت تكمل تعليمها للابتدائية وتقعد في بيتها لين ما يجيها النصيب، الخير وايد والحلال متوفر

أبو صالح: ..سمعت عندكم شواغر وطالبين مدرسات تربية إسلامية و تربية أسرية…

الموظف: أبشر طال عمرك.. الأوراق كاملة؟
أبو صالح: نعم ما خليت ورقة إلا و جبتها….

الموظف وهو يقلب الأوراق: طلبك مكتمل..وبرفعه للجنة و إذا صار شي هم بيتصلون بك..
أبو صالح: ما قصرت يا ولدي.. بس انتبه يرشحونها مدرسة موسيقى.. ترى الموسيقى حرام!

الأب: كل يوم الساعة وحدة الظهر ألاقيج عند باب المدرسة.. إياني و إياج تتأخرين..

أبلة عايشة: يعني وين بروح الله يهديك يا يبه .. من البيت للمدرسة.. و من المدرسة للبيت!

الأم: يعني ش فيها لو البنت اشتغلت في المستشفى؟

الأب: مستشفى؟.. ش تبين الناس يقولون عنا.. بنت بو سالم تشتغل 'سيستر'؟

الأم: لا تقطع رزق البنت موب كافي إنك مانعها من الزواج علشان تشتغل… وبعدين هي محصلة وظيفة زينة في قسم الاشعة براتب حلو..مش أحسن من قعدتها في البيت..

الأب: طيب…كم الراتب؟

حمد: تعرف يا علي…أنا مستحيل أتزوج وحدة تشتغل… ما أبي عيالي يتربون عند الشغالات

علي:صدقت و الله.. أصلا المفروض الزوجة تقعد في بيتها تربي عيالها...فالأم مدرسة إذا أعددتها أعددت شعبا طيب الأعراق.

حمد: أنا مستغرب بصراحة من صاحبنا سلطان.. ما أدري كيف مخلي زوجته تشتغل .. لا و في مكان مختلط!

علي: نسيت إنه دارس في أمريكا.. ش تتوقع من واحد راجع من هناك!

أميرة: الحمدلله تخرجنا أخيرا من الجامعة.. و نلنا كلنا درجة الامتياز..يا ترى وين قدمتوا على وظايف ؟

سميرة: أنا ما خليت مكان إلا قدمت أوراقي فيه.. حتى السوبرماركت إللي جنب بيتنا حطيت أوراقي عنده

مريم: أنا كلمت أخوي و إن شاء الله بيسوي لي واسطة في شركة من شركات البترول
منيرة: طيب خليه يسوي لي معاه.. رواتبهم يقولون زينة.. أحسن من رواتب الحكومة .. إللي ما تأكل عيش

نهلة: أما أنا يا بنات قدمت بس على إدارة التعليم أبي أصير مدرسة..مالي في الدوائر والوزارات

أميرة: من أول ما عرفناك و انتي نكدية.. حد يروح للنكد برجوله؟

الزوجة: حبيبي …. أنتظرك على الغداء والا بتتأخر كالعادة؟

الزوج: لا تغدي أنت و الأولاد.. أنا مرتبط باجتماع هام مع مديرتنا في الدوام

الزوجة: طيب..بس لا تنسى تجيب معاك كيلو بطاطس و إنت راجع.

البنت : ماما.. انا اليوم ما برجع إلا على المغرب… صديقتي عبير عازمتني على الغدا في مطعم في المول..وبعدين بروح معاها بنقضي مشاوير العيد

الأم : فيه مكان مخصص للعائلات

البنت : أي عائلات يا ماما…. أقولك في مووووول!

الأم: طيب.. بس ارجعي بسرعة قبل لا ينتبه أبوك لغيابك…ويسوي لنا قصة.

أم أحمد: وينك يا حبيبي.. اتصلت عليك أكثر من مرة وما رديت؟

أبو أحمد: آسف يا حبيبتي.. الظاهر ما انتبهت لصوت الموبايل

أم أحمد: طيب وينك للحين ما رجعت.. ما اتفقنا نروح السوق؟

]أبو احمد: أووووه.. تصدقين أنني نسيت هذا الموعد تماما؟

أم أحمد: طيب والحين؟

أبو أحمد: خليني أشتري لي باقة من محل الورود لزميلتي سعاد في الدوام..بكرة آخر يوم لها في الدائرة.. وبعدها نروح لأي مكان يا حبيبتي

أم أحمد: و لا تنسى أن تجيب لي معك لي باقة من الجوري الأحمر.

أم أمل : أمل.. اليوم بعد المغرب بروح بيت خالتك تروحين معي ؟

أمل: اوووه …ياليت تروحين لحالك أو تأجلينه ليوم ثاني.. أنا مشغووووولة اليوم.

أم أمل: وشو هاالشغل الي يشغلك عن أمك ولايمكن تأجيله؟

أمل: صديقاتي في الدوام بيسوون (بارتي) صغير في فندق ماريوت على شرف صديقنا ماجد بمناسبة ترقيته إلى منصب مدير..ولزموا علي إني أحضر

أم أمل: طيب.. ولكن حاولي ما تتأخرين لين نص الليل..أخوك حمد إذا عرف 'يمكن' يتضايق

المدير: اليوم جمعتكم علشان أخبركم بقرار الإدارة بمنع لبس النقاب للموظفات

موظفة1: أداوم بدون نقاب…مستحيييل!..بكرة استقالتي بتلاقيها على المكتب

موظفة2: لا و الله .. ما أضحي بالراتب علشان النقاب…من بكرة النقاب بخليه في البيت

موظفة 3: يا ما نصحتكم و قلت لكم .. بلا نقاب بلا بطيخ..الدين يسر والوجه والكفين مش عورة!

أم أحمد: ش رايك يا حبيبي نتعشى الليلة في مطعم؟

أبو أحمد: فكرة جميلة.. ولكن أظن ما عندك مانع لو عزمت زميلتي منى في الدوام علشان تجي معانا

أم أحمد: لا أبدا .. و بالمرة بعزم زميلي خالد وزوجته صفية..من زمان ما جلسنا معاهم

أبو أحمد: ليش لا.. صفية دمها خفيف!

المصور مخاطبا الموظفين والموظفات لالتقاط صورة جماعية بمناسبة الحصول على جائزة التميز

لو سمحتوا..الطويل ورا والقصير قدام

ممكن تقربون من بعض closs أكثر…

آنسة أم شعر أشقر… قربي شوي لزميلك

الأخ الطويل أبو شماغ أحمر و عقال تقول كفر تريلة……قرب أكثر..إيدك بإيد الي جنبك…. آخ بس ياليتني مكانك!

الأنسة الي في النص أم عباية قوس قزح….ايوة انتي ممكن تحولين للصف الأمامي.. وتقعدين جنب زيملك

لا.. لصقي أكثر فيه لو سمحتي… عادي عادي لا تستحين.. انتوا زملاء عمل……ما أبي فراغات في الصورة

يالله الكل جاهز… [Everybody say Cheeeeeeez

>>>>كليييييييييييك>>>>>

خولة: بصراحة أنا مليت من الوضع هنا.. صار لي سنتين بدون ترقية

خالد:انتي عارفة زين إنه مديرنا عنصري ومتحيز.. و علشان تترقين لازم تغيرين اسلوبك في التعامل معاه

خولة:كيف يعني؟..قوللي ش أسوي؟

خالد:ش رايك نروح كوفي شوب.. نسولف فيها على راحتنا.. ترى الحيطان لها آذان

خولة:ليش لا.. اصلا أنا مالي مزاج أشتغل اليوم

خالد:طيب نروح بسيارتي و الا سيارتك؟

فهد: ش رايك اليوم نغير جو .. وأعزمك بعد الدوام على الغدا؟

هند: همممم يعتمد على المكان

فهد: أحسن بوفيه.. في أحسن فندق

هند: طيب ش بتقول لزوجتك؟

فهد: زوجتي.؟….لا تخافين .. حنا عايلة (فري) زميلها عدنان في الدوام ..عازمها على 'غداء عمل'!

>>>>ملطوووش>>>>>

هههههههههههههه

يا سلام عليهم

الأفضل وبدون مجاملة الشغل للرجال

والأفضل للمرأة البيت
وهذا رأيي
ومش شرط يكون الصحيح
وبدون تجريح

وأقول مشكوووووووووووووووورة

والموضوع ممتاز

موضوع حلووووووووووووووووووو

وتقبل مروري

يمكن يكون الشغل للرجال وبس بس فيه كتير اشغال فغينا المره تشتغلا

ميرسيي ئلك

تقبلي مروري

» صوره ابكت المجتمع العربي والغربي
» ماذا تريد منك المرأة . . يا آدم ! !
» الفرق بين قلب المرأة وقلب الرجل..!!
» هكذا تكون المرأة صديقة لزوجها‏‏
» المرأة الوحيدة التي لم نرى وجهها لكننا دائما نرى رجلها